This is an old revision of the document!
D acu-t WinSCP
WinSCP d amsaɣ n uɣbalu yeldin udlif SFTP akked FTP i Windows. aneggaf aqbuṛ SCP yezga yettwasefrak. Tawuri yines tagejdant d anɣel aɣelsan n ifuyla gar iselkimen adigan akk d unmeggag.
Wagi d aglam wezzilen i yiseqdacen yettmeslayen Taqbaylit. Tugett n tsemlit n WinSCP tettwaru s Teglizit kan, anida tttawin tugett n iseɣwen s yagi.
Aggway d usebded n WinSCP
Lqem n WinSCP s Teqbaylit yella.1 Ddu ɣer usebter n usider n WinSCP sakin sider “Akemmus n usebded”. Di tazwara n usebded fren Tutlayt “Kabyle”.
Timahilin
- Agrudem udlif
- Yettwasuqel ɣer deqs n tuttlayin
- Yesleɣ akked windows (drag&drop, URL, tignitin n unegzum)
- Akk timhalin yettwasnen ɣef ifuyla
- Yessefrak Ineggafen SFTP akked SCP s SSH-1 akked SSH-2 akked uneggaf FTP aqbuṛ
- Agrudem i yifuyla iskripten akked izirigen n tladna ttwasefraken
- Amtawi n ukaram s tarrayt tawurmant neq azen awurman
- Amaẓrag n uḍris usliɣ
- Asesteb s wawal uffir SSH, asteqsi/tiririt, tasarutt tazayezt Kerberos (GSS)
- Iteddu akked Pageant (PuTTY authentication agent) s usefrek ummid n usesteb s tsarutt tazayezt s SSH
- Igridmawen am unaram Windows akked Norton Commander.
- Rnu ad isekles talɣut n tɣimit.
- Rnu daɣen, asekles n n ufaylu n twila deg umḍiq n uzmam, akken ad yettwaseqdec ɣef iselkimen nniḍen.
Timhalin ɣef ifuyla
WinSCP yezmer ad yegg akk timhalin fessusen ɣef ifuyla, am usider akkedusali. Yezmer daɣen ak-yeǧǧ ad tesnifleḍ ifuyla akked ikaramen, ad ternuḍ ikaramen imaynuten, ad tesnifleḍ timeẓliyin n ifuyla akked ikaramen, akkedtimerna n iseɣwan izumal akked inegzumen.
Yiwen seg sin n igrudmawen yettwafernen n useɣẓan ad isireg asefrek n ifuyla ula ɣef uselkim adigan.
Tuqqna ɣer uselkim anmeggag
WinSCP yezmer ad iselkem akk timhalin tizadurin ɣef ifuyla, yezmer ad yeqqen ɣer uqeddac SSH (Shell aɣelsan)s uneggaf n usiwed n ifuyla SSH SFTP neɣ ameẓlu n unɣel aɣelsan SCP neɣ ɣer uqeddac FTP (Aneggaf n usiwed n ifuyla).
SFTP d aḥric n tizeɣt n SSH-2. SCP d aḥric n tizeɣt n SSH-1. Sin agi n ineggafen zemren ad ttwaselkmen ula deg ileqman iqbuṛen neɣ ineggura n SSH. WinSCP yessefrak SSH-1 akked SSH-2.
Ma d FTP, ama d FTP fessusen neɣ FTP s TLS/SSL ttwasefraken. Asiweḍ s uskussem (Zlib) ur ittusekraf ara.
Agrudem udlif
Llan sin n igrudmawen yemgaraden s deqs n iɣewwaṛen n twila di WinSCP.
Tzemreḍ ad tferneḍ agrudem i tebɣiḍ deg usebded. Tzemreḍ ad tesnifleḍ ticki ismenyifen inek ticki.
Ma yella i tikelt tamezwarut ara tesqedceḍ WinSCP, yessefk ad tferneḍ agrudem Anaram Windows acku d ttin yettwasnen gar iseqdacen n Windows. acukan, ma yella ɣur-k tanumi tesseqdaceḍ Norton Commander, win semrasen deqs n imsefraken n ifuyla (Total Commander, FAR, Altap Salamander), Fren-it. Agrudem Norton Commander yattwag i usefrek n usnas s unasiw. Tzemreḍ ad tesqedceḍ s war ma tennuleḍ taɣerdayt. Wid yuɣen tanumi deg ugrudem agi, zemren ad mahlen s wudem uzrib.
- Ileqman n tutlayin nniḍenBack